مقادير العجينة:
1) 3 كاسات دقيقة ممسوحة.
2) فنجان شاهي زيت .
3) 2 م ط خميرة فورية .
4) 1/2 م ط بيكنج بودر .
5) 1 م ط سكر .
6) 3 م ط حليب بودرة. 
7) 1 م ط إبزار عيش ( تلاقيه في ال supermarket ). 
8) 2 بيض .
9) 1 1/4 ماء مذوبة فيها 1/2 م ط ملح .

طريقة عمل العجينة:
1) تخلط جميع المكونات الجافة معاً في الآلة ( العجانة - إن وجدت - ).
2) يخلط الزيت مع البيض و يضاف إلى الخليط الجاف (تحطيه حبه حبه ) إلى أن تصبح العجينة زي ( الرمل ).
3) تبدأي تضيفي كاسة ماء أول شي و تخلطي العجينة تشوفي كيف معاك يعني العجينة لازم تكون تلصق في يدك ما تكون جامدة و لو لقيتيها جامده ضيفي عليها الربع أو زودي على حسب.
4) تغطي خليط العجين و تخليه يتخمر لمن تشوفي العجينة انتفخت عن مستواها الطبيعي.
5) تفردي العجينة في صينية مدهونة زيت ( و رشي عليها دقيق و رجي الصينية عشين يتوزع الدقيق ) طبعاً لمن تفردي حاولي تخلي اللي في الأطراف ظاهر على فوق شوية.
6) بعد ما تفردي العجينة برضو سيبيها شوية تتخمر .


مقادير الحشوة:
1) لحم مفروم مدقوق ( زي تبع السمبوسك ) طبعاً مع بصل و بهارات ، البهارات تبعتو تكون كالتالي ( 1 م ط ملح ، 1/2 م ط كمون ، 1/4 م ط فلفل أسود ) طبعاً إنتِ تزودي و تنقصي 
على حسب ما تبغي بس إنو النسب تكون زي كده الكمون نص كمية الملح و الفلفل الأسود نص كمية الكمون.
2) تضيفي للحم 1/2 حزمة كرات مقطع صغير صغير + 1 طماطم مفرومة + طحينة محلولة بخل أسود و موية ( طبعاً إنتِ لازم تدوقي و على حسب ما تحبي 
كمية الطحينة و الخل تكون ). خليط اللحم اللي فوق مع الطحينة المفروض ما يكون سائل مرة.
3) تفردي الحشوة فوق العجينة و تسيبي الأطراف زي ماهي يعني ( لا تحطي حشوة فوقها ) .
4) حبتين بيض تخبطيهم و تدهني الأطراف و بعدين توزعي الباقي فوق الحشوة و ترشي سمسم و حبة سودا.
5) دخليها الفرن لين تستوي =))

و بالــعافية =)) ?